الدفن البيئي

بالوقت اللي القبور والمدافن بمصاري بكل أنحاء العالم ، وبالوقت اللي الناس صارت تجمّع فلوس مشان تقدر تشتري قبر ويندفنوا فيه وقت يموتوا كبشر مُعزّزين مُكرّمين .. لدرجة أنو الناس صارت تشتري قبر عائلي ويندفن فيه عدة أشخاص كل واحد بطابق .. تكلفة الدفن والتغسيل جداً غالية ، لكن فيه عدّة حلول لهالمشكلة .. وأحد هاي الحلول هي حرق الجثّة وتحويلها لرماد .. بس برضو هاد الحل غالي ومُكلّف ..

حاليّاً صار فيه حل بدأ ينتشر بكثرة وقليل التكلفة ومفيد لكل البشريّة ..

الـGreen Burials أو الدفن البيئي .. هي طريقة للدفن بتحفظ الأموال وبتساعد على استدامة مصادر الأرض وبتقلّل من انبعاثات الكربون والأهم من هيك انها طريقة بيئية ..

الفكرة بالموضوع ، التابوت أو الكفن اللي أنت فيه ، رح يضيفوا عليه مواد عضوية غير سامة ومواد قابلة للتحلل ومُسرّعة لعملية التحلل ، والتربة أيضاً رح تكون تربة خصبة مليئة بالمعادن والسماد ..

هيك بصير الإنسان وقت يموت ويبدأ جسمه بالتحلل ، يتحوّل بعمليّة طبيعيّة بحتة إلى شجر وزهور وأعشاب .. أو حتى بإمكانا نزرع بتربة هالإنسان الفواكة والخضروات ..

يعني بمعنى تاني .. بتنتقل روح هالإنسان وبيتحول لشجرة .. وبتحس أنه الإنسان اللي فقدته موجود معك لأنك ببساطة عم تاكله وتحس فيه ..

يعني إذا كنت مُكتئب ومُحبط وحاسس أنو الدنيا مسدودة بوجهك وحاسس أنه مالك أي ستين لازمة بهالحياة ، فهذا من حقّك الكامل ، خاصةً أنك تعيش في الشرق الأوسط أكثر الأماكن قرفاً على وجه الأرض ..

بس هذا كله ما بيعني أنك تموت من دون ما تفيد البشريّة بأيا شيء ..

هلأ فعليّاً أي شخص عاش ومات على هذه الأرض أفاد البشريّة قطعاً ، النفط اللي اليوم مستحيل نستغني عنّه كلّه تكوّن من تُراب أجدادنا وبقاياهُم -بهالمناسبة خلينا نتوقف لحظة صمت على أرواح أجدادنا اللي موجودة في سيّاراتنا لو أنهم لم يموتوا لما استطعنا تحريك سيّارتنا- ..

طبعاً عملية تحوّل أجسادنا إلى بنزين عملية طولية جداً وبتأخذ مئات السنين ، لذلك أنت مارح تقدر تفيد البشريّة إلّا بعد مئات السنين ، وممكن خلال هالوقت تكون البشريّة انقرضت والروبوتات سيطرت على العالم ، بس الحل موجود دائماً .. أنك تتحول لشجرة !

وتذكر دائماً ، إذا مافي فائدة من حياتك ، خلّي موتَك له فائدة ..

وبما أنو فتحت الموضوع .. شو النبتة اللي حابيين تتحولوا عليها ؟